Британскиот премиер Борис Џонсон утре ќе се сретне со својот ирски колега Лео Вардакар на северозапад од Англија, потврдија од Даблин.

-Ова ќе биде прва средба во текот на која премиерите и нивните тимови ќе можат детално да разговараат за процесот што би обезбедил да се дојде до договорен Брегзит, соопшти владата на Ирска, а пренесуваат британските медиуми.

Џонсон сака Велика Британија да излезе од ЕУ на 31 октомври , но за тоа да се случи со двостран договор мора да се реши прашањето на границата меѓу Северна Ирска и Република Ирска, која е членка на ЕУ.