Директорот на македонската Развојна банка, Кире Наумов, е разрешен од функцијата, објави Македонска берза.
На негово место за вршител на должноста е назначена Ефимија Димовска, која во јануари годинава беше именувана за член на Надзорниот одбор.
Според соопштението објавено на Берзата, Наумов е разрешен од страна на Надзорниот одбор на Развојна банка на 23.02.2026 година, една година пред истекот на неговиот мандат.
Ефимија Димовска која е назначена за в.д. директорка е доктор на економски науки со специјализација во финансиите и пристапот до финансирање на мали и средни претпријатија. Професионална кариера ја градела на одговорни и раководни позиции во Министерството за финансии, Развојната банка, енергетскиот сектор и високото образование. Повеќе од 18 години активно работи во областа на развојно банкарство, финансиски сектор и меѓународни проекти.
Развојната банка државна банка која има клучна улога во финансирањето на македонските компании преку поволни кредитни линии од меѓународни финансиски институции.
