Поранешниот соработик на американската Национална безбедносна агенција (НСА), Едвард Сноуден денеска поднесе барање за руско државјанство.
Сноуден во 2013 година доби постојан престој во Русија. Тој на Твитер напиша дека сака да го задржи и американското државјанство.
Барањето за руско државјанство Сноуден го поднесе откако неговата сопруга Линдзи Милс објави дека е бремена.
Сноуден во 2013 година најде засолнипште во Русија откако побегна од САД, каде се соочува со обвинувања за шпионажа бидејќи откри глобална програма за прислушување и следење ширум светот.
Американскиот претседател Доналд Трамп во август најави дека е можно помилување на Сноуден, кој се соочува со 30-годишна затворска казна поради шпионажа.
Сноуден, на кого му е одземен американскиот пасош на барање на Вашингтон, пристигна во Москва во мај 2013 година од Хонг Конг и планираше да се засолни во Јужна Америка. Но беше блокиран во Русија каде доби азил.
