ЕКСПЛОЗИЈА ВО АЗЕРБЕЈЏАН: Загинаа 20 лица, десетици се во критична состојба од 290 кои се примени во болница во Нагорно Карабах

Најмалку 20 лица загинаа во експлозија во складиште за гориво во регионот Нагорно-Карабах во Азербејџан, соопштија локалните ерменски власти.

Во извештајот се додава дека 290 лица биле примени во болниците по синоќешната експлозија, а десетици „се уште се во критична состојба“, наведуваат британските медиуми.

Претходно властите објавија дека експлозијата се случила на бензинска пумпа во Степанакерт, главниот град на Нагорно-Карабах, и дека во тој регион нема доволно лекови за да се обезбеди помош и дека одреден број повредени треба да бидат префрлени на други места.