Турција ќе ја продолжи борбата против џихадистичката група Исламска држава во Сирија откако САД ќе ги повлечат своите војници, изјави денеска турскиот претседател Реџеп Таип Ердоган.
– Ние ќе работиме според нашите планови за да ги елиминираме останатите елементи од ИД во Сирија, како што разговаравме со американскиот претседател Доналд Трамп, истакна Ердоган.
– Ние ја одложуваме нашата воена операција во источниот дел на реката Еуфрат додека не видиме какви се резултатите од одлуката на Америка да ги повлече своите трупи од Сирија, нагласи Ердоган, додавајќи дека тоа нема да биде бесконечен период на чекање.
Претходно денеска Ердоган истакна дека Турција ќе ја одложи планираната воена операција во Сирија и ја поздрави одлуката на Вашингтон да ги повлече своите војници од Сирија.
