Американскиот министер за одбрана Марк Еспер денеска изјави дека е клучно САД и Јужна Кореја до крајот на годината да постигнат договор за поделба на трошоците за американските сили во оваа азиска земја, според кој поголемиот дел од трошоците ќе треба да биде на Сеул.
-Јужна Кореја е богата земја и може да плати повеќе за распоредувањето на американските војници, рече Еспер по разговорот со јужнокорејскиот колега Џонг Квонг Дуом, пренесоа британските меидуми.
Џонг изјави дека со Еспер се согласиле дека договорот за поделба на трошоците на американските сили во неговата земја треба да биде праведен и двострано прифатлив.
Тој додаде дека во разговорот повторно била потврдена посветеноста за одбраната на Јужна Кореја од северниот сосед, како и напорите за денуклеаризацијата на Северна Кореја.
