Во меѓупартискиот дијалог за изборните услови во Србија, медијатори од Европскиот парламент денеска на претседателот на Собранието на Србија, Ивица Дачиќ ќе му го претстават работниот документ што го подготвиле за подобрување на изборните услови, објави весникот „Данас“.
Според неофицијални информации на „Данас“ од западни дипломатски извори, од Дачиќ ќе биде побарано да се изјасни за документот, кој, доколку го одобри, ќе биде испратен до партиите на владата и опозицијата што учествуваат во дијалогот.
„Данас“ пишува дека постојат шпекулации дека постои можност Дачиќ денеска да не одговори, туку тоа ќе го стори за неколку дена, по консултации со претседателот на Србија, Александар Вучиќ.
„Дачиќ повеќе се доживува во некои земји-членки на ЕУ како еден вид офицер за врска помеѓу ЕП и Вучиќ, иако тој официјално го претставува главниот преговарач на официјален Белград во овој важен дијалог“, изјави извор за Данас.
Се наведува дека се верува дека властите во Србија ќе се согласат со „темите и сугестиите“ наведени од европратениците во документот, бидејќи „Вучиќ сака ЕУ да добие впечаток дека е подготвен да направи значителни отстапки за опозицијата да учествува на изборите “.
„Но, некои во ЕУ тврдат дека нема да има доволно време за спроведување суштински реформи на изборниот систем во Србија до излегување на гласање“, додава изворот за весникот, јави БЕТА.
