Фабио Паратичи e новиот генерален менаџер на италијанскиот фудбалски клуб Јувентус. Тој го презема местото на Џузепе Марота, кој беше отпуштен од функцијата пред неколку недели.
Паратичи веќе дејствуваше како спортски директор и одигра огромна улога во привлекувањето на Кристијано Роналдо од Реал Мадрид минатото лето.
Во меѓувреме, има и други промени во раководните позиции во клубот. Џорџо Ричи сега е директор задолжен за приходите, а Марко Ре е назначен за главен финансиски директор на местото на Алдо Мација.
