Светската кошаркарска федерација (ФИБА), поточно судскиот департмент, ги одреди официјалните лица за претстојниот претквалификациски турнир во машка сениорска конкуренција кој ќе се одржи во периодот од 12 до 18 август во Скопје.
Натпреварите на кои покрај македонската репрезентација ќе учествуваат и селекциите на Словачка и на Швајцарија од групата„ Ф“ ќе ги судат Фернандо Калатрава (Шпанија), Мехмет Карабилечен (Турција), Илиас Кунелес (Кипар), Оскарс Лучис (Летонија), Михал Прок (Полска), Толга Сахин (Италија).
Комесар на претквалификацискиот турнир во Скопје ќе биде Антони Колган од Австрија.
Трите репрезентации ќе одиграат по два меѓусебни натпревара.
Двете првопласирани ќе изборат пласман во квалификациите за Мундобаскет 2023.
