Украина, чии електрани се значително оштетени од руското бомбардирање, продолжува да увезува електрична енергија од соседните земји, соопшти денеска операторот на преносниот систем „Укренерго“, откако Словачка одлучи да го прекине вонредното снабдување со електрична енергија за Украина.
Премиерот Роберт Фицо вчера изјави дека операторот на словачката електрична мрежа ќе ги отфрли барањата на Украина за вонредно снабдување сè додека не се обнови протокот на нафта преку гасоводот „Дружба“, што се протега од Русија преку Украина до централна Европа.
Словачка и Унгарија се отсечени од русктаа сурова нафта преку „Дружба“ откако гасоводот беше оштетен минатиот месец, а Украина е обвинета за долгиот прекин во снабдувањето.
„Електричната енергија се увезува од сите земји на ЕУ што граничат со Украина и Молдавија, во согласност со резултатите од аукциите за распределба на достапните капацитети за интерконекција“, објави „Укренерго“ на Телеграм.
Податоците од словачкиот систем оператор, исто така, покажаа дека протокот кон Украина продолжува.
„Укренерго“ вчера соопшти дека какво било одбивање од страна на Словачка да го продолжи вонредното снабдување со електрична енергија по потреба нема да има практичен ефект. Беше наведено дека Украина последен пат побарала итни залихи од Словачка пред повеќе од еден месец, и тоа во мали количства.
Украина може да добива електрична енергија од земјите од ЕУ преку комерцијални договори или во форма на итна помош, обично во релативно мали количества за кратки периоди. Според аналитичарите на консултантската компанија „ExPro“, комерцијалните залихи од Словачка и Унгарија сочинуваат 70 проценти од вкупниот увоз на енергија во Украина.
Словачка соопшти дека нејзината мерка за спречување на итни залихи ќе биде укината штом ќе се продолжи со транзитот на нафта.
Протокот на руска нафта кон Унгарија и Словачка е прекинат од 27 јануари, кога, како што тврди Киев, руски дрон ја погоди опремата на нафтоводот во западна Украина.
Словачка соопшти дека нема информации за обемот на штетата. Словачкиот министер за економија вчера изјави дека операторот на системот за нафтоводи „Транспетрол“ бил информиран, без дополнително објаснување, дека испораките на нафта преку „Дружба“ ќе продолжат од утре.
Фото: Архива
