Европската унија прави се за да го наруши мирот во Украина и да го охрабри Володимир Зеленски да заземе бескомпромисна позиција, изјави за Спутник францускиот политичар и лидер на партијата Патриоти Флориан Филипо.
Според политичарот, прекинот на огнот прогласен од Русија е „многу позитивен чекор напред“.
„Секој прекин на огнот е добредојден, под услов да овозможи продолжување на дијалогот за мировни преговори. За жал, Европската унија прави се за да го спречи овој дијалог и го охрабрува Зеленски да заземе бескомпромисна позиција што го спречува мирот“, оцени Филипо.
Тој додаде дека „Франција ослободена од ЕУ“ може да помогне да се постигне мир.
Претходно денеска, Управата на владата на ДНР за документација за воени злосторства на Украина објави дека украинските вооружени сили, и покрај прекинот на огнот, ја гранатирале Горловка на велигденско утро, истрелувајќи четири гранати од 155 милиметри.
Дописникот на „Спутник“ јави дека за време на прекинот на огнот во Доњецк се слушнале најмалку три експлозии. Подоцна, беше пријавено уште едно гранатирање на Горловка, со уште четири гранати испукани кон градот.
Рускиот претседател Владимир Путин во саботата прогласи Велигденски прекин на огнот, кој стапи на сила на 19 април во 18 часот, по московско време и ќе трае до 21 април на полноќ.
Путин рече дека претпоставува дека Украина ќе го следи примерот на Русија. Истовремено, тој истакна дека руските трупи мора да бидат подготвени да одбијат евентуални прекршувања на примирјето и провокации од страна на непријателот.
