Прес-конференцијата на гувернерот на Флорида, Рон Де Сантис вчера беше прекината од граѓанин кој побара да си поднесе оставка и го обвини за фалсификување на бројот на случаи со коронавирус.
За време на вчерашната прес-конференција за состојбата со Ковид-19, заедно со градоначалникот на округот Мајами, Дејд Карлос Хименез, гувернерот Де Сантис беше прекинат во говорот од човек кој подоцна беше идентификуван како Томас Кенеди, државен координатор на Флорида на групата за застапување на имигрантите „Обединети ние сонуваме.
-Засрамете се! Вие расејувате хаос! Вие расејувате хаос! Имаме рекорден број случаи и не правите ништо, се слушаше како Кенеди вика пред гувернерот на Флорида.
„Вие не правите ништо. Вие фалсификувате информации и ја заведувате јавноста. Повеќе од 4.000 луѓе умреа и вие ги обвинувате демонстрантите“, додаде тој. „Вие момци немате планови и не правите ништо“.
Според интернет страницата на Флорида, во оваа држава се пријавени вкупно 4.242 смртни случаи од коронавирусот. Во саботата околу 11 отсто тестирани лица се покажале позитивни, а бројот на хоспитализирани за еден ден бил 248, со што вчера вкупниот број на лица во болниците низ државата достигна 18.400.
Флорида во неделата соопшти за повеќе нови случаи на коронавирус отколку цела Европа, со 15.300 инфекции, што е најголем дневен раст во која било држава за време на пандемијата. Претходниот рекорд го постави Калифорнија минатата среда со 11.694 позитивни случаи.
