Сопруга на директорот на Центарот за управување со кризи, Стојанче Ангелов од Министерството за внатрешни работи, каде што беше вработена, била префрлена во Агенцијата за разузнавање, дознава Фокус.
– Според нашите информации од Министерството за внатрешни работи, Јасмина Ангелова во МВР била на функцијата државен советник во кабинет на држaвниот секретар. Од таму потврдуваат дека таа не е веќе во МВР, но на прашањето со какви квалификации е префрлена во Агенцијата за разузнавање за одговор не упатија во АР, објави Фокус утрово.
Директорот на Агенцијата, Еролд Муслиу информацијата дали Ангелова е сега во АР, ниту ја потврди, ниту ја демантираше.
Кажа дека не може да одговори на прашања поврзани со кадровскиот состав на институциите од безбедносниот сектор во нашата држава.
