Извршниот директор на Формула 1, Чејс Кери изјави дека има намера да ги продава трките не само на ТВ, туку и на услугите за стриминг на „Amazon Prime“ и „Hulu“.
– Имавме суштински дискусии со Амазон и други глобални дигитални платформи. Тие се многу важен потенцијален партнер за нас и обезбедуваат можност за развој и проширување на нашиот бизнис, истакнува Кери во изјавата за „Аутоспорт“.
Кери додаде дека чекорот кон веб-емитување е важен процес да не се губат обожавателите кои се навикнати на дигитални платформи.
