Првите борбени возила STRYKER MK‑B‑UCE пристигнаа во Македонија.
Девет возила веќе се транспортирани во земјава, а утре планиран е транспорт на уште осум вакви лесни оклопни возила на тркала.
Министерот за одбрана Владо Мисајловски минатата недела информираше дека 17 вакви возила се на пристаништето во Грција и наскоро се очекува нивниот транспорт во Македонија.
Набавката на 42 лесни оклопни возила на тркала STRYKER MK‑B‑UCE, е во рамки на договорот склучен помеѓу владите на Македонија и на Соединетите Американски Држави.
