Доколку поранешниот американски претседател Доналд Трамп биде реизбран во ноември, неговиот четиригодишен мандат би можел да ја чини Германија до 180 милијарди евра поради „трговската војна“, се наведува во извештајот на Германскиот економски институт (IW).
Имено, ветувањето на Трамп дека ќе ги зголеми за царините за да го намали трговскиот дефицит на САД, може да предизвика значителни нарушувања во глобалната трговија.
Брисел би вовел контрамерки
Во извештајот на IW се наведува дека Европската унија развила контра-стратегија против таквата закана, наведувајќи дека доколку потенцијалната администрација на Трамп ги зголеми увозните тарифи на 10 отсто за ЕУ и 60 отсто за Кина, Брисел ќе воведе еквивалентни зголемувања како противмерка.
Институтот спроведе симулација за да ја процени потенцијалната штета за германската економија доколку тоа се случи и откри дека БДП на земјата ќе изгуби повеќе од 137,1 милијарди долари во текот на четири години.
Друга симулација покажа дека доколку потенцијалната администрација на Трамп и ЕУ ги зголемат увозните тарифи на 20 отсто, германскиот БДП ќе се намали за 1,5 отсто, со загуба од 194,2 милијарди долари во текот на четири години.
Во извештајот се наведува и дека американската економија ќе претрпи загуба од околу 1,3 до 1,5 отсто од БДП во 2025 година, при што негативните ефекти најмногу ќе се почувствуваат во првите две години, додека постепено ќе се намалуваат во следните две.
