На крајот на јуни, долгот на Грција изнесувал 187 отсто од БДП. Следат Португалија со 126,1 процент, Белгија 115,3, Франција 114,1, Кипар 113,2, Шпанија со 110,1 процент итн.
ВО екот на должничката криза, Грција имаше долг од 166 отсто. Италија тогаш имаше долг од 133 отсто, а сега од 147 отсто до БДП.
Ова се последните податоци објавени од Евростат.
Најниско ниво на јавен долг, од 18,5 проценти од БДП забележа Естонија. Следат Бугарија и Луксембург со 21,3, односно 23,8 проценти.
Меѓу земјите на ЕУ, во споредба со крајот на март, јавниот долг, изразен како учество на БДП во Кипар, скокна најмногу, за 17,1 процентни поени. Следува Франција со пораст од 12,8 проценти, следена од Италија со 11,8 проценти. Шпанија е исто така во групата со 11,8 проценти, како и Хрватска и Белгија, каде учеството на јавниот долг во БДП на крајот на јуни беше за 11 проценти поголемо отколку на крајот на март.
Во споредба со крајот на јуни минатата година, учеството на долгот во БДП се зголеми во сите земји на ЕУ, освен во Ирска, каде што се намали за 0,3 процентни поени.
Најмногу се зголеми во Франција, за 14,9 проценти. Следува Белгија со 12,9, Италија со 11,9 и Шпанија со 11,7 проценти. Во Хрватска, тоа се зголеми за 9,4 процентни поени, што речиси се изедначи со Естонија.
Најнизок раст на учеството во однос на вториот квартал од минатата година забележаа Шведска и Бугарија, за еден, односно 1,4 процентни поени, покажува извештајот на Евростат.
