Педесетгодишната Г.С. вчера се здобила со тешки повреди откако паднала во отворена шахта на гробиштата Камник, во Скопје.
Како што соопшти МВР, инцидентот вчера во 15.30 часот во СВР Скопје, го пријавил сопругот В.С., кој посочил дека додека со сопругата се движеле по улица во кругот на гробиштата Камник, таа паднала во отворена шахта и се здобила со тешки телесни повреди, по што била пренесена во Комплексот клиники „Мајка Тереза“ за укажување лекарска помош.
