Портпаролот на израелската војска контраадмирал Даниел Хагари денеска изјави дека 31 од преостанатите заложници кои ги држи Хамас во Газа се прогласени за мртви.
– Информиравме 31 семејство дека нивните заробени најблиски повеќе не се меѓу живите и дека ги прогласивме за мртви, рече тој на редовниот брифинг со медиумите.
Израел соопшти дека 136 заложници се уште се држат во Газа.
Во терористичкиот напад на Хамас врз Израел на 7 октомври загинаа 1.200 луѓе, а околу 250 беа киднапирани. Околу половина од нив беа ослободени за време на привремениот прекин на огнот во ноември во размена за палестински затвореници.
