Праведно решение на косовскиот проблем е возможно само со поддршка на Русија и Кина, изјави во интервју објавено во неделата рускиот амбасадор во Белград, Александар Боцан Харченко, истакнувајќи дека Москва „високо ја цени истрајноста“ и „херојското однесување“ на српскиот претседател Александар Вучиќ во однос на избегнувањето воведување санкции против Русија на што го притискаат САД и Европската унија.
Отфрлајќи ја можноста договорот меѓу Србија и нејзината поранешна јужна покраина Косово и Метохија која во 2008 година со поддршка на Западот прогласи независна Република Косово, да биде постигнат надвор од Советот за безбедност при Обединетите нации, „вклучително и поддршката од Русија и Кина“, како негови постојани членки, Боцан Харченки за неделното издание на белградскиот дневен весник Вечерње новости го истакнува ставот на Кремљ дека оваа тема треба да биде вратени во Советот за безбедност на светската организација.
Покрај оцената дека „разговорот е неопходен“, Боцан Харченко порача дека „Друг пат да се пронајде долгорочно и меѓународно правно решение нема“ надвор од Обединетите нации.
„И затоа бараме, само Европската унија не слушаше порано, па нема ниту сега, дијалогот Белград – Приштина да се води врз основа на Резолуцијата 1244 (на Советот за безбедност при ОН) и ќе се повлече од фактот дека ЕУ добила согласност и поддршка од Генералното собрание на ОН“, рече рускиот амбасадор во Белград.
Инсистирајќи на тоа дека во случајот на косовското прашање „мора да се почитуваат одлуките на Обединетите нации, во прв ред на Советот за безбедност, Боцан Харченко додава дека Русија „решително се противи на мислењето дека Резолуцијата 1244 е вон реалноста“.
Со таа резолуција во јуни 1999 година по тримесечното секојдневно воздушно бомбардирање од страна на НАТО врз тогашната СР Југославија (Србија и Црна Гора) Западот изнуди повлекување на српската војска и полиција од Косово и Метохија по судирите со албанските сепаратисти.
Според Боцан Харченко, со таа резолуција, Советот на безбедност при ОН ја потврдува „приврзаноста на сите држави членки на суверенитетот и територијалниот интегритет на СР Југославија“.
„Со овластувањето на Советот за безбедност на главниот секретар (на ОН) со помош на соодветните меѓународни организации да воспостави меѓународно присуство на Косово и Метохија, за да се обезбеди привремена управа.. “, се наведува и дека „народот на Косово и Метохија ќе може да ужива и суштинска автономија во рамите на СР Југославија“, се потсетува.
Белград е истраен на почитувањето и примената на Резолуцијата 1244 и Уставот на Србија кој Косово и Метохија ја гледа како покраина и интегрален дел на Србија и одбива да ја признае независноста на Република Косово и да се согласи со неговото членство во Обединетите нации и во меѓународните организации и институции.
„Западот се обидуваше да ја поништи резолуцијата“, што официјално не можеше да се стори во Советот за безбедност на ОН каде Русија и Кина имаат право на вето, оценува Боцан Харченко во интервјуто и истакнува дека западните земји „се однесуваат како тој документ воопшто да не постои, тргнувајќи од тоа дека реалноста надвладеала над она што е усогласено во 1999 година“.
„Тоа, секако, не е вистина“, вели рускиот претседател во Белград.
Коментирајќи го понудениот план на ЕУ за нормализација на односите меѓу Белград и Приштина, а тој план го поддржуваат и САД, рускиот амбасадор Боцан Харченко оценува дека тој документ е „обид на Западот да пронајде заобиколен пат Србија да го признае Косово и тоа да влезе во меѓународните институции, во прв ред во Обединетите нации“.
„Како постојана членка на Советот за безбедност на ОН, Русија ќе ги поддржува само решенијата коишто им одговараат на националните интереси на Белград, и кога станува збор за нормализација на односите со Приштина или за смирување на моменталната криза“, истакнува амбасадорот Боцан Харченко.
