Џејмс Харден забележа 31 поен и 10 скокови, а тимот на Хјустон ја продолжи својата победничка серија до рекордни за сезоната седум натпревари, по успехот со 107:91 против Филаделфија.
„Ракетите“ се први во Југозападната дивизија со скор од 40/25 и се наоѓаат на два натпревари од второто место во конференцијата, каде во моментов е Денвер, кој изгуби против лидерот Голден Стејт.
Хјустон имаше големо водство во поголемиот дел од натпреварот откако домаќините постигнаа 37 поени во првата четвртина и ја започнаа последната со предност од +22.
Филаделфија се бореше да го задржи Клинт Капела во отсуство на Џоел Ембид во осми последователен натпревар поради повреда во коленото, благодарение на што центарот заврши со 18 поени и 9 скока. Во првиот меч помеѓу двата тима во сезоната, Филаделфија победи со 121:93 по 32 поени токму од Ембид.
Клеј Томпсон пак се врати со 39 поени, од кои девет тројки, а Голден Стејт го победи Денвер со 122:105 и успеа да го надмине својот најлош пораз во регуларната сезона.
Резултати од НБА:
Шарлот – Вашингтон 112: 111
Орландо – Далас 111: 106
Мајами – Кливленд 126: 110
Чикаго – Детроит 104: 112
Хјустон – Филаделфија 107: 91
Мемфис – Јута 114: 104
Њу Орлеанс – Торонто 104: 127
Голден Стејт – Денвер 122: 105
Лос Анџелес Клиперс – Оклахома Сити 118: 110
