Хрватска минатата година, заедно со Бугарија и Унгарија, се најде на врвот на листата на земји на Европската унија според показателот за лична потрошувачка по глава на жител.
Тоа го покажуваат прелиминарните проценки на европскиот статистички сервис, Еуростат.
Реалната лична потрошувачка по глава на жител во Хрватска и Унгарија, изразена во паритет на куповната моќ (ППС), била околу 40 отсто под просекот на ЕУ минатата година, а во Бугарија 45 отсто пониска од просекот на блокот.
Од друга страна, Романија забележа најголемо подобрување, со скок на потрошувачката по глава на жител од 32 отсто под европскиот просек, во однос на 39 отсто под просекот, како што беше една година порано.
Според податоците на Евростат, повисоката куповна моќ на домаќинствата од просекот на ЕУ е забележана во само 10 земји-членки.
Највисокото ниво на фактичка потрошувачка по глава на жител има Луксембург со 30 отсто над просекот на ЕУ, по што следат Германија и Австрија со стандард од околу 20 проценти над просекот.
Најблиса со просекот на Унијата е Италија со куповната моќ на граѓаните што е само два проценти под таа вредност.
Интересно е што стандардот на граѓаните на Малта, Грција, Словенија, Полска и Словачка минатата година бил помеѓу 20 и 25 отсто под просекот на ЕУ, додека Естонија и Латвија заостануваа од европската просечна потрошувачка по глава на жител за околу 30 отсто.
