Сојузот на германските даночни обврзници денеска го критикуваше автоматското зголемување на платите на пратениците во Бундестагот, што годинава ќе се зголеми за 635,50 евра.
„Овој автоматски механизам на покачување на платите мора да престане, бидејќи губи секаква транспарентност и расудување од пратениците до граѓаните“, изјави претседателот на Здружението на германски даночни обврзници Рајнер Холцнагел.
Тој вели дека треба да се напушти автоматското покачување на платите и секогаш кога пратениците ги покачуваат платите за тоа да разговараат во Бундестагот за да биде потранспарентно за јавноста. Бундестагот уште во 2014 година донесе закон според кој платите на пратениците автоматски се прилагодуваат на номиналните плати. Сега номиналните плати се зголемени за шест отсто.
Во моментов платите на пратениците изнесуваат 10.591,70 евра месечно. На тоа треба да се додаде и паушал од 4.725 евра за трошоци поврзани со должностите на пратеник во Бундестагот. Заклучно со јуни платата треба да изнесува 11.227,20 евра. Пратеник на државен трошок може да вработува и соработници во својата канцеларија во Бундестагот, а може бесплатно да го користи јавниот превоз и железницата на територијата на Германија.
