Напаѓачот на Интер, Лаутаро Мартинез има желба да игра во Барселона следната сезона, пишува Мундо Депортиво. Како што е познато, Каталонците бараат замена за ветеранот Луис Суарез, а 22-годишниот напаѓач е нивна примарна цел.
Лаутаро работи на неговиот трансфер тивко и без да изрази незадоволство. Поради помошта на самиот фудбалер, на „Камп Ноу“ се оптимисти дека ќе можат да го привлечат, без оглед колку и да е тешко. Значаен е фактот што тој го отфрла подобрениот предлог за продолжување на договорот со Интер, кој е до 2023 година.
Аргентинецот знае дека намерите на Барселона се реални и категорични, а тој не сака да ја пропушти можноста да игра во клубот, и на страната со неговиот сонародник Лионел Меси.
„Нероазурите“ ја знаат позицијата на Лаутаро, но не сакаат да го продадат. Ако го сторат тоа, ќе биде по висока цена. Каталонците не го потврдуваат договорот, но весникот дозна дека постои основа за преговори меѓу двете страни, а договорот е на пат да се случи.
2020-05-02 16:21:
