Самитот на американскиот претседател Доналд Трамп и севернокорејскиот лидер Ким Џонг-ун заврши неуспешно.
Но, и овој пат, како и на претходниот самит, социјалните мрежи беа преплавени од фотографии и снимки од Виетнам, каде што се одржуваше состанокот, а најголемо внимание повторно предизвика обезбедувањето на севернокорејскиот лидер.
Познато е дека Ким има многу телохранители во своја придружба.
Сите беа облечени во костуми, и еден по еден, скокнуваа во автомобилите кои се движеа.
Не е јасно зошто толку брзаа, но го инспирираа Интернетот за многу коментари.
Тие се регрутирани од Корејската народна армија, мора да бидат со иста висина како лидер, да имаат добра вид, добро да пукаат со пиштол и да се занимаваат со боречки вештини.
Личното обезбедување на Ким е дел од Врховната гарда, која со децении го штити владејачкото севернокорејско семејство.
