Иран и порача на Меѓународната агенција за атомска енергија (МААЕ) дека значително ќе ја намали соработката во рок од седум дена, стои во извештај на агенцијата наменет за нејзините членови.
Во изминатите неколку месеци, Иран го забрза кршењето на договорот постигнат во 2015 година со светските сили, кој предвидуваше ограничување на иранскиот нуклеарен договор во замена за укинување на санкциите против Иран.
Непочитувањето на договорот почна во 2019 година како одговор на едностраното повлекување на САД од тогашниот претседател Доналд Трамп и повторното воведување на американските санкции кон Иран.
Иран на 15 февруари ја извести МААЕ дека од 23 февруари ќе престане да ги спроведува доброволните транспарентни мерки во согласност со договорот, вклучително и дополнителен протокол, се вели во соопштението на МААЕ.
Според договорот, Иран го применува Дополнителниот протокол, кој на МААЕ и дава овластување да спроведува инспекции во краток временски период на различни локации. Тоа е во прилог на основните обврски од таканаречениот Договор за заштитни мерки на земјата со МААЕ. Иран го потпиша, но не го ратификуваше.
