Археолози открија фреска од митолошкиот ловец Нарцис, во остатоци од древната палата во Помпеја, во која извесно време се извршуваат обемни истражувања.
Нарцис, инаку, е познат по тоа што се вљубил во сопствениот одраз.
Меѓу другите фрески, мината година беше пронајдена и една која прикажува сензуална сцена меѓу богот Јупитер олицетворен во лебед и кралицата Леда од Спарта од грчката митологија.
Директорката на локалитетот Помпеја, Алфонсина Русо изјави дека „сета оваа убавина“ ги поттикнува истражувачите да продолжат да копаат по ова древноримско богатство, па еден ден оваа палата можеби ќе биде барем делумно отворена за јавноста.
Надлежните соопштија дека археолозите досега имаат пронајдено и десетици стаклени садови, осум земјени вазни и бронзен сад под скалите.
