Попладнево изби пожар на отворен простор на Скопска Црна Гора, над скопското с. Раштак.
Во гаснењето учествуваат повеќе екипи на БППЗ Скопје, тим на ДЗС, два ер трактора на ДЗС и еден полициски хеликоптер.
Чадот од пожарот е видлив од поголем дел од Скопје.
Во Русиново, пак, денеска, во период од 12:00 до 15:00 часот, хеликоптер Ми-8/17 од составот на воздухопловниот ВИНГ беше ангажиран за гасење на шумски пожар во атарот на селото, поточно во месноста Стојаково – Дрџински рид.
Во рамки на оваа интервенција беа реализирани 9 прелети, при што беа испуштени вкупно 18 тони вода директно врз најкритичните точки на пожарот. Акцијата се одвиваше во координација со надлежните локални и државни институции, со цел ефикасно справување со пожарот и спречување на негово проширување.
Преку оваа навремена и координирана акција, Армијата уште еднаш покажа дека располага со капацитети и стручност за брза интервенција во ситуации кои го загрозуваат локалното население и природната средина.
