Романскиот премиер Марсел Чолаку и кандидатката на десниот центар Елена Ласкони освоија најмногу гласови во првиот круг од претседателските избори во Романија, покажуваат излезните анкети и тие треба да одат во вториот круг.
Социјалдемократот Чолаку, според проекциите, освоил околу 25 отсто од гласовите, додека Ласкони околу 18 отсто.
Вториот круг од изборите е закажан за 8 декември.
Чолаку пред првиот круг од изборите беше фаворит меѓу 14 кандидати. Најдобри изгледи кај него беа кандидатот на либерално-конзервативната реформска партија УСР Ласкони, која, според излезните анкети, доби 16 отсто и Џорџ Симион од екстремно десничарската партија АУР, кој доби 15 отсто од гласовите.
Претседателот ја одредува надворешната и безбедносната политика на земјата-членка на ЕУ, е врховен командант на армијата и е вклучен во проверките на тајните служби. Клаус Јоханис е претседател 10 години и не може повторно да се кандидира.
