Тој на својот профил на Инстаграм со обожавателите споделил видео-снимка во која прави рамка за кошниците.
Снимката го прикажува Бекам како фокусирано и вешто ракува со чекан и ги подготвува кошниците за пчели, кои уште се во почетна фаза. Викторија, која го снима, ја објаснува процедурата и коментира колку е убаво да имате сопствен мед, додека во позадина се слушаат штурци.
Инаку, сопружниците заедно со своите три деца времето во изолација го поминуваат во идилична селска куќа во Англија, а изгледа дека спортската ѕвезда добро се прилагодила на тој начин на живот, бидејќи често на својот Инстаграм профил објавува фотографии од шетање по околните полиња и брда.
