Израелски воени авиони нападнаа со ракети цели во близина на сирискиот главен град Дамаск при што се ранети три сириски војници.

– Нашата ПВО дејствуваше против непријателски ракети  кои ги лансираа израелски воени авиони над либанска територија и собори голем број пред да погодат цели, изјави извор од сириската армија.

Во нападот е погоено складиште за оружје и ранети се три војници. Детали за останатите цели не беа објавени.

Сириските медиуми синоќа јавија дека во околина на Дамаск се соборени „непријателски цели“.