Во однос на предлогот на Советот за јавни обвинители за разрешување на обвинителката Русковска, која го водеше обвинителството за гонење на организиран криминал и корупција, државниот обвинител Љубомир Јовевски, во вечерашната Топ Тема, изјави дека во тој случај апсолутно нема политика.
„Влегувањето во таков случај и во финансиската полиција и без да се знае кој предмет се бара, туку се бараат предмети за 4,5 години наназад значеше дека обвинителството воопшто нема никакви сознанија за ова дело или за други конкретни дела и јас не можев да ја трпам таа незаконитост во конкретниот предмет“ – вели Јовевски.
Во однос на забелешките дека и во други случаи, адвокатите се жалат на незаконити претреси и постапување а при тоа тој не реагирал, Јовевски не можеше да посочи друг случај каде тој реагирал на сличен начин.
Во однос на коментарот на Русковска дека по отворањето на истрагата против Драги Рашковски, добила понуда за избор во републичкото обвинителство а кога не го прифатила тоа и било понудено и унапредување на нејзиниот внук, државниот обвинител не кажа дали тоа го смета за притисок и не сакаше да ја коментира нејзината веродостојност.
