Поддржуваме мирни протести, порача денеска претседателот на Движењето Беса, Биљал Касами и додаде дека како политички субјект за нив не се прифатливи било какви насилни протести.
Според него, прифатлив е секој предлог кој доаѓа од ЕУ и европските центри во случајот како Париз. Затоа, порача Касами, дека „како граѓани на Македонија ако сакаме да споделиме европски вредности треба да имаме повеќе доверба во предлозите што ни доаѓаат од ЕУ“.
-Сигурно дека ЕУ е заснована на вредностите на заштита на малцинствата и загрозените групи во општествата, затоа мислам дека секоја ситуација која се креира во делот на дискриминацијата на нашите помали народи во таа голема Европа треба да биде земена како неточна. Повик до сите граѓани дека ако веруваме во европските вредности тогаш треба да ги прифатиме предлозите кои доаѓаат од нив, да го решиме проблемот и кога ќе бидеме дел од ЕУ ќе имаме повеќе можности согласно тие стандарди за човековите права, малцинските права, правата на сите помали народи во рамките на ЕУ ќе бидеме позаштитени од колку што сме сега. Повик до сите граѓани да не подлегнат на луѓе кои не и сакаат добро на државата, ниту на Македонците, ниту на другите народите во Македонија, затоа што сите граѓани во земјата немаат друга иднина освен интегрирање во ЕУ, вели Касами.
