Катар го оствари најголемо достигнување во фудбалската историја и го освои Купот на Азија. Во финалната средба во Абу Даби, фудбалерите на Феликс Санчез ја победија Јапонија со 3:1.
Домаќините на СП 2022 го изминаа патот до финалниот дуел без да дозволат ниту еден гол, а на крајот го завршуваат турнирот со 7 победи во 7 натпревари и гол разлика 19:1.
Досегашното врвно постигнување на Катар во Азискиот куп беше петтото место во 1984 година во Малезија.
Алмоез Али пак го собори рекордот на саудиската легенда Али Даеи за најмногу постигнати голови во рамките на еден турнир, откако против Јапонците го постигна деветтиот погодок, завршувајќи како најдобар голгетер на турнирот.
