Претседателот на Казахстан, Нурсултан Назарбајев денеска поднесе оставка од функцијата.
– Одлучив да поднесам оставка, изјави Назарбајев во обраќањето до нацијата.
Тој додаде дека таквата одлука воопшто не била лесна, но не ги наведе причините за оставката.
Оставката на 78-годишниот Назарбајев утре стапува во сила. Согласно Уставот на Казахстан, наместо Назарбајев, до крајот на неговиот мандат во 2020 година, шеф на државата ќе биде претседателот на Горниот дом на Парламентот, Хашим-Јомрат Токајев од партијата на Назарбајев, Нур Отан.
На последните избори во 2015 година Назарбајев беше реизбран за уште еден петгодишен мандат со приближно 98 отсто од гласовите.
Назарбајев и по оставката ќе ја извршува должноста привремен претседавач со Советот за национална безбедност на Казахстан.
Тој претседателската функција ја извршува од 1990 година.
