Американската новинарка Меган Кели, за Скј њуз Австралија за дебатата меѓу Трамп и Харис:

Водител:

Можеше да се види твојот бес, затоа што не си како мене, како некој што само гледа, вие сте го правеле ова, сте биле домаќин на овие работи претходно и можеше да се види дека зовревте од бес затоа што овие луѓе (модераторите на дебатата) не само што не играа фер – тие намерно се обидуваа да соборат еден од тие двајца кандидати.

Меган Кели:

Апсолутно, тоа беше заседа на тројца против еден, и тие беа подготвени да го направат тоа. Гледајќи наназад на тоа сега, го извлековме транскриптот, а ги читате прашањата и како се тоа функционираше. Секој пат кога Трамп се обидуваше да избегне или да не одговори на прашањето и се обидуваше да одговори со сопствените мисли, да понуди свои размислувања за нешто или дури и да се брани од некој од нејзините напади, тие ќе го вратеа назад на нивното тешко прашање. „Прашањето беше ова…“. Секој пат кога таа го правеше тоа, ја пуштаа. Ниту еднаш не и го направија тоа. Секој пат кога тој ќе кажеше нешто што не мислеа дека е вистина, тие го проверуваа девет од десет пати. Нивната проверка на факти беше измислена, беше лага или мислење за кое немаше место на претседателска дебата. Колку проверки на факти направија за неа? Ниту една. Нејзините лаги беа насекаде. Таа ја започна дебатата велејќи: „Вечерва ќе слушнете многу лаги“, и навистина беше така, но тие беа од неа.

А потоа, за да му помогнете на ABC News во обидот да го победи Трамп, го имате Даниел Дејл од CNN, официјалниот проверувач на факти на CNN, кој ја гледа оваа дебата и вели дека тој лажел 33 пати, Камала Харис само еднаш. Со тоа се соочуваат републиканците во оваа земја. Мислам, таа лажеше во начинот на кој постојано велеше дека тој е одговорен за 2020 година, иако тој напомена дека нема никаква врска со тоа. Таа лажеше велејќи „забрани на абортусот на Трамп“, во кои тој постојано тврдеше дека не сака федералната влада да има никаква врска со ова – ова е прашање на кое го решаваат државите самостојно. Таа знае дека тој нема никаква врска со забраните за абортус. „Добрите луѓе од двете страни“ лажат за Шарлотсвил. Ги имаше толку многу што вие, како модератор, ако сакавте да се вклучите во работата со проверка на факти, апсолутно можевте да ја прекинете. Тоа, според мене, би било несоодветно на претседателската дебата. Но, ако сакате да му го правите тоа на Трамп, имате обврска да го правите тоа и на неа. И како што споменав, самите проверки на факти беа погрешни, оптоварени со мислења. И кога се на една страна, сега е веќе мешање во изборите. Сега всушност изгледате како партизански хак. Единственото добро нешто од ова е дека морам да се надевам дека гледачите дома што го гледаа ова, разбраа дека ова е неправедно. Можам да насетам кога гледам нефер борба. Така, чувствувам дека  отидоа толку далеку што реакцијата ќе биде против нив и Камала Харис, наспроти Доналд Трамп, кој беше “претепан”.

Водител:

Сметам дека ако ги гледавте првите 30 минути, едноставно не можам, а да не помислам дека ова не беше само тимот “Син свет” (демократи) наспроти тимот “Црвен свет” (републиканци). Мислам дека ги приметив нејзините пасивно-агресивни реакции со лицето: “О, тој е толку луд, тој е толку неверојатен. О, навистина?” Добро, разбирам дека не ти се допаѓа Трамп. Но, идејата дека тој е само толку неверојатна фигура, зошто воопшто е тука? Па, тој е тука затоа што тој всушност освои номинација, а не како тебе, каде што ти и твоите другари, го извадивте Бајден од неговата беда и потоа се протнавте, а медиумите се преправаа дека не си тоа што си.

Меган Кели:

О, би сакала да разговарам со вас повеќе за ова бидејќи, во овој натпревар, се сведува на машко наспроти женско. Не значи дека Трамп нема милиони женски поддржувачи, а таа исто така има и милиони машки поддржувачи, но на крајта, како она што ја прави разликата во оваа трка, мажите убедливо водат кај Трамп со разлика од некои 15 проценти. А жените водат со 10 проценти разлика кај Камала Харис. Чувствувам дека повеќето мажи си викаат: „Едвај чекам да гласам против неа.“ И ова ми е омилено, нејзиното „О, те молам“, нели? Како да се чувствувам како и на повеќето мажи им се гади од оваа многу досадна жена и веројатно сега, повеќе од кога било, едвај чекаат да побрзаат на гласање и да гласаат против неа.