Според првичната реакција по прогласувањето на Меси за најдобар играч на годината во изборот на ФИФА, на дефанзивецот на Ливерпул, Виргил ван Дајк, не му беше сеедно.
Дваесет и осумгодишниот Холанѓанец со „кисела насмевка“ го проследи објавувањето на лауреатот.
Најголеми конкуренти на Аргентинецот беа Ван Дајк и Кристијано Роналдо.
Во сезоната 2018/19 година, Меси и помогна на Барселона да стане шампион на Шпанија, а исто така ја освои и Златната копачка за најдобар стрелец во Европа.
Од друга страна, Ван Дајк ја освои Лигата на шампионите како дел од Ливерпул, стана вице шампион на Премиерлигата и со холандската репрезентација стигна до финалето на Лигата на нации.
