Група непознати лица го нападнале и го претепале митрополитот Кримско-симферополски, Климент, кој е и припадник на вооружените сили на Украина, соопшти денеска украинската полиција.

Инцидентот се случил рано утринава во близина на катедралата Свети Михаил, во главниот град на Украина, пренесува Униан.

Полицијата денеска со следење на социјалните мрежи открила информација за нападот, а најпрвин ја објави каналот Телеграм.

„На местото на настанот пристигнала увидна екипа која разговара со оштетениот и ги расветлува сите околности“, велат од полицијата.

Се додава дека полицијата ги истражува околностите на инцидентот.