Климатската промена е факт и закана не само за нашата генерација, туку и за меногу следни генерации, па и за самата планета Земја. Немаме избор мораме да дејствуваме денес, иако може да се чини тешко. Мораме драстично да го намалиме загадувањето, што изискува тешки и болни избори. Особено е тешко имајќи ги предвид промените што се нужни во начинот на кој работиме деловно. Катастрофите ни покажуваат дека еколошкиот систем не може да се третира независно од нашиот економски систем. Потребен ни е нов одржлив економски модел што ги носи нашите земји кон еколошки и економски прогрес и го унапредува добробитот на нашите граѓани.

Ова е пораката што ја упати премиерот на Косово, Албин Курти во обраќањето на денешниот Социо-еколошки форум, прв настан од ваков тип на Западниот Балкан, што денеска се одржува во Скопје.

– Новиот одржлив модел ќе ги почитува еколошките ограничувања на нашата планета. Европскиот гринвил се обидува да го стави акцентот на одржлив развој и просперитет. Ваквиот премин во Европа може да биде ефективен, само ако преземиме акција и во нашиот регион. ЕУ веќе ја претстави зелената агенда за регионот, што го предвидува европскиот зелен договор, рече Курти.

Нагласи дека зелената агенда подразбира да направиме темелни промени во нашата економија и во начинот на кој живееме. Циркуларната економија, според него, е едно од основните градбени единици на агендата за Западниот Балкан и е единственото што може да не одведе кон одржлив развој и да создаде нови работни места.

– Во мојата влада презедовме акција за да организираме ваков циркуларен економски модел, да го зачуваме нашиот диверзитет, да изградиме одржлив прехранбен систем и да се справиме со нашите темелни проблеми во земјоделството. овој модел исто така ќе го промени односот кон ѓубрето и ќе создаде нови работни места во областа. Меѓуградскиот превоз, заедно со неколку други придружни фактори, останува и води кон загадување на нашата средина и градови. Ова влијае на негативен начин бврз здравјето на нашите граѓани со преуранета смрт и слични состојби, истакна премиерот на Косово.

Потенцира дека затоа не е прашање дали ни е потребна ваква транзиција, туку кога и како.

Курти оцени дека потребна ни е силна социјална база и цврст еколошки кров под кој ќе живееме.

– Косово ја обезбедува својата струја, примарно од јаглен, со ограничени извори на ветер и хидроенергија. Хидроенергијата не се покажа доволно обновлива и примерно се ослонуваме на јаглен. Во овој случај мора да направиме двојна транзиција. Оваа недела направивиме и завршивем шест месеци во Владата и поради тоа се уште спроведуваме физибилити студија за тоа како да преминеме напред на најдобар начин за самите нас и за регионот, потенцираше Курти.

Реќе дека целосно се посветени на преминот кон чиста енергија и кон инвестирање во обновливи извори како сончева и ветерна енергија, преку ремоделирање на домовите. Но, понекогаш, истакна Курти, потребна ни е финансиска поддршка за овој процес да не го попречи економскиот развој што  ги изведува нашите граѓани од сиромаштија.