Косовскиот премиер Албин Курти на Твитер напиша дека по првпат во својата економија Косово има над 400.000 активни работни места.
Според косовскиот премиер, тоа е показател за успешна политика.
„Нашата економија по првпат има над 400.000 регистрирани активни работни места. Ова е силен показател за успехот на нашите трудови и економски политики кои им помогнаа на жените, лицата со посебни потреби, претприемачите и другите да бидат успешни учесници во работната сила“, напиша Курти на Твитер.
