Втора победа за македонскиот национален тим во вториот настап во Групата-7 во квалификациите за Европското првенство 2022. Вечерва во Шафхаузен, совладана е домашната селекција на Швајцарија со 25:23.
По изедначеното прво полувреме и нерешените 10:10, домаќините беа подобри во првите 15 минути од вториот дел и дојдоа во водство од 18:15. Следуваше серија од 5:0 за избраниците на селекторот Данило Брестовац за водство од 20:18. Оваа низа од пет постигнати без примен гол на крајот се покажа како решавачка за исходот на мечот.
Капитенот Кире Лазаров со шест погодоци беше најефикасен во македонската репрезентација. Стојанче Стоилов постигна пет гола.
Во поразениот тим најефикасен беше Андре Шмид со шест голови.
По првите две кола во седмата група, водат Данска и Македонија со по четири бода, Швајцарија и Финска немаа освоено бод. (МИА)
