Рускиот министер за надворешни работи Сергеј Лавров денеска изјави дека европските земји сакаат украинскиот конфликт да се претвори во војна на американскиот претседател Доналд Трамп.
– Европејците сакаат оваа војна да стане војна на Доналд Трамп. Тоа е чист мелем за нив. Во моментов тие не знаат како да ги украдат нашите резерви. Францускиот претседател Макрон рече дека никогаш нема да го дозволи тоа бидејќи тоа е кражба. Барем има одредено разбирање во Елисејската палата, рече Лавров во интервју за весникот „Комерсант“.
Тој додаде дека Европската унија ги игнорира руските повици за разговори во врска со дроновите што го нарушија воздушниот простор на неколку европски земји, за што ја обвинуваат Русија.
