Се простувам од човек со кого делев сцена, време и професија, од уметник кој со својата посветеност, човечност и љубов кон театарот остави длабока трага кај сите нас, напиша министерот за култура Зоран Љутков по смртта на неговиот колега, актерот Лазе Манасков.
„Лазе Манасков беше искрен професионалец и редок човек, почитуван меѓу колегите и сакан од публиката. Неговото присуство, неговиот глас и неговата енергија ќе недостасуваат во македонскиот театар и во Драмскиот театар, кој го сметаше за свој дом.
Упатувам искрено сочувство до неговото семејство, блиските и колегите.
Нека му е вечна слава и нека почива во мир“, напиша Љутков.
