Случајот со Онкологија е веќе втор случај по пресудата за Модуларната болница, каде што некогашниот министер за здравство, а сега привремен чувар на местото претседател на СДС, Венко Филипче е изземен од одговорност.
Човекот кој бил министер за здравство во периодот кога на Онкологија се правел овој криминал од тешки размери, каде што е оштетен Буџетот во износ од над 2,2 милијарди денари, бил Венко Филипче.
Венко Филипче повторно не е во истражна или судска постапка, па така легитимно го поставуваме прашањето, дали Филипче има некаков договор со поединци од судската или обвинителската фела, да не биде повикан дури ниту на разговор?
ОЈО треба да ја провери улогата на Филипче за случајот Онкологија, а не да го изземаат од случаевите. Филипче не беше вклучен ниту во процесот за Модуларната болница, ниту за Онкологија, ниту за Стабри вакцините, ниту за крвави тендери, едноставно Филипче делува како да е заштитен од судството коешто тие заедно со ДУИ го бираа.
Проневерата од 2,2 милијарди денари во Онкологија, немањето на онколошка терапија и купувањето на скапи лекови од компанија блиска до Филипче, ОЈО мора под итно да го истражи.
Воедно, повикуваме Филипче да прекине да се крие по партиските штабови и да се појави во јавност. Филипче и должи одговори на македонската јавност.
Почитувани,
Филипче е црната точка на системот, кој треба да биде оставен во минатото. Филипче е синоним за криминал, корупција и неспособност.
ПРАШАЊЕ: Ваш став за коментарите на СДС за случајот Онкологија?
МАНАСИЕВСКИ: Во однос на тоа би сакале да потенцираме дека Мизрахи не обвинува, туку обвинителството и судството. И тоа може и мора повторно да биде отворено. Затоа што сите знаат за одговорноста на Венко Менгеле. Веќе неколку недели Филипче гласно молчи на нашите прашања.
Еве би сакале повторно да прашаме:
Дали е измислена аферата за златната виза? Дали е измислена аферата за тоа дека Филипче си местеше блиски луѓе за директори на клиники a потоа им даваше тендери на родителите на истите? Дали е измислена аферата за крвави тендери, приватизација на јавното здравство или пак онаа со Стабри вакцините? Би сакале да прашаме еве и каде отидоа парите за нов Клинички? Оставивме и пари и проект. Зошто за сите овие прашања, и Филипче и СДС молчат и не не демантираат?
Затоа почитувани, мора да има и независно и реформирано судство. За луѓето блиски до СДС и ДУИ, да не бидат заштитени.
