Поранешниот американски претседател Доналд Трамп му понуди на американскиот мултимилијардер работа во неговата администрација доколку победи на претседателските избори во ноември.

Републиканскиот претседателски кандидат одговори потврдно на прашањето за време на интервјуто за „Ројтерс“ дали е подготвен да го назначи Маск на советничка позиција или да му даде функција во кабинетот.

„Тој е многу паметен човек. Сигурно би му ја дал работата, ако ја прифати. Тој е брилијантен човек“, рече Трамп, пренесе „Политико“.

Неколку часа подоцна Маск објави фотографија генерирана од вештачка интелигенција на социјалните мрежи, на која стои на подиумот со американски знамиња зад него, со натпис „Подготвен сум да служам“.

Маск, кој застапува сѐ поконзервативни ставови во последните месеци, официјално го поддржа Трамп минатиот месец и го интервјуира на „Икс“ минатата недела.