Поранешен пратеник во Собранието на руската република Јакутија, Александар Крилов, починал откако бил нападнат од мечка.


„Информациите споделени на социјалните мрежи, за жал, се потврдија. Телото на Александар Крилов со теренско возило е пренесено во селото Томтор“, рекол вршителот на должноста, началник на локалната полиција, Игор Водовозов.

Се појаснува дека денеска, во раните утрински часови, за време на лов со друштвото, Крилов застрелал мечка. Во моментот кога се приближил до пленот, друга мечка дотрчала и го нападнала нанесувајќи му смртоносни повреди.