Заменик-претседателот на Совет за безбедност на Русија, Дмитриј Медведев денеска изјави дека руско-американски односи се на апсолутна нула односно дека не е можно дополнително да бидат замрзнати.
– Сега немаме никакви односи со САД. Тие се на нула на Калвиновата скала. И нивното одмрзнување сега не е потребно. И засега нема потреба да се преговара со нив. Тоа е штетно за Русија, истакна Медведев за Спутник.
Тој оцени дека сега е најнеповолното време за нови преговори со САД за продолжување на Договорот за намалување на стратешкото оружје (СНВ-3).
– Тоа ќе зависи од одлуката на претседателот на државата. Како човек кој има директна врска со тој договор и кој го потпиша во 2010 година, верувам дека сега е најнеповолното време за нови преговори, посочи Медведев.
Според него, преговорите минатата година се воделе во изменети околности, а сега се во „мртва зона“.
Администрацијата на американскиот претседател Џозеф Бајден го продолжи Договорот за намалување на стратешкото оружје за пет години односно до 2026 година, што овозможува обединета руско-американска контрола врз нуклеарното оружје.
Русија и САД почнаа да ги усогласуваат параметрите на идниот договор за ограничување на нуклеарното оружје, но го прекинаа дијалогот по почетокот руската инвазија врз Украина.
Американскиот Стејт департмент објави дека Вашингтон е подготвен да ја разгледа можноста за нова рунда стратешки дијалог со Русија, но дека сака докази за добронамерниот пристап на Москва.
