Христијан Мицкоски во своето гостување на Македонската Радио Телевизија зборуваше за интерпелацијата на Никола Димитров и потенцираше дека Димитров да бил чесен немало да чека интерплација туку сам ќе си поднесол оставка.

-Јас да сум на место на Никола Димитров кога го слушнав координаторот на СДСМ, Јован Митревски дека они немало да бидат во салата кога ќе се расправа тоа е јасен доказ дека не ја владеат ситуацијата, самиот ќе си поднесам оставка, штом вие нема да ме браните. Тогаш на што личи ова еве ако сум на себе убеден дека политиките мои во овие четири години најпрвин како министер за надворешни работи, а сега и како вицепремиер биле исправни, а не сум дал доволно аргументи на пратеничката група, на партијата на власт да ме одбрани мене. Тоа е политички став, тој присуствува на седници на раководство на највисоко ниво во СДСМ, се координира со претседател на партијата, со секретарот, со останатите функционери на партијата и излегува во јавноста вели ние нема да бидеме во салата кога ќе се расправа. Јас да сум на негово место не ја чекам интерпелацијата, утредента си одам, кога моите немаат доверба во мене, кога моите не сум ги убедил дека сум доволно јак, што понатаму останува за овие од ВМРО-ДПМНЕ и опозицијата. Мене би ми било срам да излезам во јавноста, истакна Мицкоски во своето гостување.

Што се однесува до буџетот и најавите на Заев за инвестиции, Мицкоски истакна:

– Вели во она што сум јас јак, еве ќе речеме најсилен, европски компетитивен, а тоа е енергетиката. Денеска слушаме фокус на енергетиката. Јас фокус на енергетиката слушам четири години од оваа влада. Вели ќе го изградиме Чебрен и Галиште. Денеска да почнете вие да го градите Чебрен и Галиште, денес, првите киловат часови е прашање, зборам за супер амбициозна и успешна политичка гарнитура, не за ваква килава каква што имаме ние денеска. Која што еден обичен пат не може да асфалтира, а не да изгребе асфалт. Не дај боже да направи некој друг проект. Јас зборувам за сериозен проект како Чебрен и Галиште. Денеска да ги фрлите првите лопати, прашање е дали во 2030-тата за една декада ќе ги имате првите киловат часови, појасни Мицкоски.

Мицкоски додаде ВМРО-ДПМНЕ и опозицијата се речиси 50-тина проценти во рамки на Парламентот. Опозицијата поднесе околу 1.000 амандмани за расипничкиот буџет на власта и за жал скоро се беше одбиено. Тоа е срамота.

– Ќе ми речеа еве тие усвоивме пет амандмани од тебе, на Зијадин пет, на Африм пет, на Апасиев пет. Еве усвоивме 20 амандмани. Кои што буквално немаше ништо да им чини. Зошто тоа тие не го прифатија, запраша Мицкоски.

Мицкоски посочи барем пет амандмани да прифатија. Толку опозицијата не знае да даде амандмани. Толку ли амандманите на опозицијата се спротивни од проектите на власта.

– Еве предложивме бесплатни компјутери за оние 10% дечиња кои што не можат да следат онлајн настава според тоа што го кажа премиерот. Еве тие 10% бесплатни компјутери за тие деца да дадат. Зошто тоа го одбија? Зошто еве тоа го одбија? Не мораше друго да прифатат барем тоа, рече Мицкоски.

Мицкоски кажа дека буџетот е расипнички и мегаломански, во тој буџет нема ништо за доброто на граѓаните. Во тој буџет нема доволно средства за образование, 20.000 деца не следат настава онлајн, треба на тие деца да им се помогне. Власта требаше да мисли на тие деца и на сите граѓани на Република Македонија.