-Во Бутел победуваме. Народот е на нозе и огромното мнозинство се спротивставува на оваа деспотска власт. Ни треба милиметар повеќе за победа на деспотот, за победа на правдата и ставање крај на сите неправди. Губат, губат на анкетите губат кај народот, и многу брзо ќе се соочат со законот и сите неправди кои стојат зад нивната работа. А во Македоника ќе имаме триум на правдата за која се изборкл народот, посочи денска Христијан Мицкоски при посета на ОК Бутел на ВМРО-ДПМНЕ.
Тој пред граѓаните на Бутел истакна дека ВМРО-ДПМНЕ е во значителна предност во однос на СДСМ и Гордана Силјановска Давкова во однос на Стево Пендаровски.
-Очекувам дека на 5-ти мај во недела резулатати ќе бидат уште поубедливи. Но, за да дојдеме до таа убедлива победа потребен е уште еден дополнителен чекор бидејќи милиметри ни недостасуваат да триумфот биде комплетен, да ја отвориме вратата за предвремени парламентарни избори, да победиме на тие предремени парламентарни избори, а потоа да ги засукаме ракавите и да работиме и да си ја кренеме татковината од пепел и да ја вратиме онаму каде што и е местото, потенцираше Мицкоски.
Мицкоски од Бутел рече дека ќе биде тешко за претседателските избори бидејќи изминатиот период граѓаните беа изложени на закани, уцени, злоупотреби.
-Но, мора да издржиме , мора да стегнеме заби бидејќи деспотот е на колена, овие политички измамници ги чекорат последните чекори во нивната политичка кариера, порача Мицкоски.
