Поранешниот директор на Управата за безбедност и контраразузнавање, Сашо Мијалков пред да оди на издржување на затворската казна стана дедо. Вчера сопругата на неговиот постар син, Јордан Мијалков, Анастасија родила женско бебе.
Веста дека Мијалкови добиле принова беше обајвена на социјалните мрежи, а веста ја сподели сестрата на Анастасија, Александра, партнерка на актерот Атанас Атанасовски, со кој има две деца.
Мијалков го нема на фотографиите, а последните информации за него беа дека го одложил издржувањето на тригодишната затворска казна за случајот „Империја“ којашто треба да ја издржува во струшкиот затвор и дека е на болничко лекување.
Како што објавивме неодамна, Мијалков административно се преселил во Охрид, каде што извадил нова лична карта со адреса на живеење, за да може да ја издржува казната затвор во отвореното одделение во затворот во Струга.
